​ភេសជ្ជៈ​តែ​ធម្មជាតិ​ ​គឺ​មាន​អត្ថ​ប្រយោជន៍​ច្រើន​សម្រាប់​សុខភាព​ ​ប៉ុន្តែ​ ​ភេសជ្ជៈ​តែ​ដែល​ផ្សំ​បន្ថែម​នូវ​ជាតិកា​ហ្វេ​អ៊ី​ន​ ​និង​ជាតិ​ស្ករ​នៅក្នុង​បរិមាណ​ច្រើនពេក​ ​គឺ​មិនល្អ​សម្រាប់​ឱ្យ​ក្មេង​ទទួលទាន​នោះ​ទេ​។​

​១​.​តើ​តែ​មាន​អត្ថ​ប្រយោជន៍អ្វី​ខ្លះ​ដល់​កុមារ​?​
​យោង​តាម​វេជ្ជបណ្ឌិត​ ​Cidny​ ​Gellner​ ​នៃ​សាកល​វិទ្យាល័យ​វិទ្យាសាស្ត្រ​សុខាភិបាល​ ​យូ​ថា​ ​(​University​ ​of​ ​Utah​ ​Health​ ​Sciences​)​បាន​លើកឡើង​ថា​ ​«​ការ​ទទួលទាន​ភេសជ្ជៈ​ដែល​មាន​ផ្ទុក​ជាតិកា​ហ្វេ​អ៊ី​ន​ច្រើន​ ​អាច​បណ្តាល​ឱ្យ​កុមារ​មាន​បញ្ហា​បាន​»​។​ ​ប៉ុន្តែ​ ​ការ​ហ្វេ​អ៊ី​ន​ ​ក៏​ជា​ឱសថ​មួយ​ប្រភេទ​ប្រើ​សម្រាប់​បញ្ចុះ​នោម​ ​ពេល​ក្មេង​មាន​អាការៈ​ទល់នោម​បាន​ផង​ដែរ​។​ ​ម្យ៉ាងទៀត​ ​លោកអ្នក​អាច​ទទួលទាន​តែ​ធម្មជាតិ​ ​(​ ​herbal​ ​tea​)​ ​ជំនួស​តែ​ដែល​មាន​ជាតិកា​ហ្វេ​អ៊ី​នបាន​។​ ​ទោះបីជា​យ៉ាងណាក៏ដោយ​ ​លោកអ្នក​ត្រូវ​ប្រាកដ​ថា​ ​គ្រឿងផ្សំ​របស់​តែ​មិន​មានផល​ប៉ះពាល់​ដល់​ក្មេង​។​​២​.​តើ​កុមារ​អាយុ​ប៉ុន្មាន​ទើប​អាច​ចាប់ផ្ដើម​ទទួលទាន​តែ​បាន​?​
​មិន​មានការ​សិក្សា​ណាមួយ​ដែល​បញ្ជាក់​ឱ្យ​ច្បាស់​ថា​ ​តើ​កុមារ​អាយុ​ប៉ុន្មាន​អាច​ទទួលទាន​តែ​បាន​នោះ​ទេ​?​ ​បើ​លោកអ្នក​ផ្តល់​ឱ្យ​ពួកគេ​ទទួលទាន​តែ​ ​មិន​លើស​ពី​កម្រិត​នៃជា​តិ​កាហ្វេ​អ៊ី​នដែ​លបា​នកំ​ណ​ត់​ទេ​ ​គឺ​មិន​មាន​ហានិភ័យ​អ្វី​គួរ​ឱ្យ​ក​ត់​សម្កាល់​នោះ​ឡើយ​។​

អត្ថបទគួរអាន៖ ក្រោយ​ដឹង​ហេតុផល​ទាំង៥នេះ​ ​ជឿ​ថា​ឪពុក​ម្តាយ​នឹង​លែង​ឱ្យ​កូន​ៗ​ញ៉ាំទឹក​ក្រូច​មិនខាន

​ក្រុម​អ្នកជំនាញ​ផ្នែក​សុខភាព​កុមារ​នៅ​សហរដ្ឋអាមេរិក​ ​(​The​ ​American​ ​Academy​ ​of​ ​Pediatrics​)​ ​បាន​ណែនាំ​ថា​ ​កុមារ​ ​និង​មនុស្ស​ជំទង់​ ​គួរតែ​មានការ​ប្រុងប្រយ័ត្ន​ចំពោះ​ការ​ទទួលទាន​ភេសជ្ជៈ​ដែល​មាន​ជាតិកា​ហ្វេ​អ៊ី​ន​ ​ដូចជា​ ​តែ​ ​និង​កាហ្វេ​ ​ជាដើម​។​ ​ក្រុម​អ្នកជំនាញ​ទាំងនោះ​ ​បានឱ្យ​ដឹង​ថា​ ​ក្មេង​មាន​អាយុ​ចន្លោះ​ពី១២​ ​ទៅ១៨ឆ្នាំ​ ​អាច​ទទួល​ជាតិកា​ហ្វេ​អ៊ី​នប្រ​មា​ណ១០០មី​លី​ក្រាម​ ​ក្នុង​មួយថ្ងៃ​។​ ​ប៉ុន្តែ​ ​សម្រាប់​កុមារ​ដែល​មាន​អាយុ​ក្រោម១២ឆ្នាំ​ ​គឺ​មិន​មាន​សុវត្ថិភាព​ទេ​។​

អត្ថបទគួរអាន៖ ប្រភេទ​អាហារ​មាន​សារធាតុ​ចិញ្ចឹម​ ​ល្អ​ចំពោះ​សុខភាព​កុមារ​អាយុ៣ឆ្នាំ​

​៣​.​តើ​តែ​មាន​អត្ថ​ប្រយោជន៍អ្វី​ខ្លះ​សម្រាប់​កុមារ​?​
​តែ​ដែល​មាន​ផ្ទុក​ជាតិកា​ហ្វេ​អ៊ី​ន​ត្រឹមតែ​មួយ​ពែង​ ​អាច​ផ្ដល់​អត្ថ​ប្រយោជន៍​តិចតួច​បំផុត​សម្រាប់​កុមារ​៖​
​•​ ​អាច​ជួយ​បញ្ចុះ​កម្ដៅ​កុមារ​បាន​
​•​ ​អាច​កាត់បន្ថយ​ការ​ឈឺ​រាងកាយ​ ​និង​ឈឺពោះ​បាន​
​•​ ​ជួយ​រារាំង​ជំងឺ​ក្អក​ ​និង​ផ្ដាសាយ​បាន​
​•​ ​អាច​ជួយ​បំពេញ​ជាតិទឹក​ ​និង​រារាំង​ការ​ឆ្លង​មេរោគ​បាន​
​៤​.​ផល​ប៉ះ​ពាល់​ផ្សេង​ៗ​សម្រាប់​កុមារ​

​ការ​ទទួលទាន​តែ​ច្រើនហួស​កម្រិត​ ​អាច​បណ្តាល​ឱ្យ​មានផល​ប៉ះពាល់​ចំពោះ​កុមារ​ ​ដូច​ខាងក្រោម​៖​
​•​ជាតិកា​ហ្វេ​អ៊ី​នក្នុង​តែ​ ​អាច​បណ្តាល​ឱ្យ​មានផល​ប៉ះពាល់​ដល់​ការលូតលាស់​ ​និង​ការ​គេង​របស់​កុមារ​។​
​•​យោង​តាម​ការស្រាវជ្រាវ​មួយ​បាន​រក​ឃើញថា​ ​កុមារ​ទទួលទាន​តែ​ ​ឬ​កាហ្វេ​ទៀងទាត់​ពេក​អាច​បណ្តាល​ឱ្យ​កើតជំងឺ​ទឹកនោមផ្អែម​។​
​•​ការ​ទទួលទាន​ជាតិកា​ហ្វេ​អ៊ី​ន​ ​និង​ជាតិ​ស្ករ​ច្រើនពេក​ ​អាច​ធ្វើ​ឱ្យ​កុមារ​ធាត់​។​
​•​ការ​ទទួលទាន​ជាតិកា​ហ្វេ​អ៊ី​ន​លើសកម្រិត​ ​អាច​ធ្វើ​ឱ្យ​បាត់បង់​ទំនួល​ខុសត្រូវ​ ​និង​មានស្មារតី​ច្របូកច្របល់​។​
​•​ការ​ទទួលទាន​តែ​ ​ដែល​មាន​ជាតិកា​ហ្វេ​អ៊ី​ន​ច្រើន​ ​ប្រឈម​នឹង​ការ​កើតជំងឺ​បេះដូង​ ​ពុក​ធ្មេញ​និង​និង​ជំងឺ​ទឹកនោមផ្អែម​ប្រភេទ​ទី២​។​

អត្ថបទគួរអាន៖ ទឹកដោះ​គោស​ណ្តែក​សៀង​ ​មាន​ផ្ទុក​នូវ​សារធាតុ​ចិញ្ចឹម​យ៉ាង​សម្បូរ​បែប​ ​ល្អ​សម្រាប់​សុខភាព​កុមារ​

​៥​.​ជម្រើស​ភេសជ្ជៈ​ដ៏​ល្អ​សម្រាប់​សុខភាព​កុមារ​
​ជំនួស​ដោយ​ការ​ទទួលទាន​តែ​ ​កុមារ​គួរតែ​ជ្រើសរើស​ភេសជ្ជះ​សុខភាព​ ​ដូចជា​ ​ទឹក​ផ្លែឈើ​ស្រស់​ ​ទឹកដោះគោ​ ​ឬ​ភេសជ្ជៈ​ដែល​មិន​មាន​បន្ថែម​ជាតិ​ស្ករ​។​ ​ព្រោះ​ភេសជ្ជះ​ទាំងនេះ​ ​អាច​ជួយ​បំពេញ​ជាតិទឹក​ ​និង​ផ្ដល់​សារធាតុ​ចិញ្ចឹម​សំខាន់​ដល់​រាងកាយ​កុមារ​។​ ​ទោះបីជា​យ៉ាងណាក៏ដោយ​ ​ការ​ទទួលទាន​តែម្ដង​ម្កាល​ក៏​មិន​អាច​បង្ក​គ្រោះថ្នាក់​ដែរ​៕​

​ប្រែ​សម្រួល​ដោយ​៖​ ​ស៊ីន​ ​សុភាព​
​រក្សាសិទ្ធិ​ដោយ​៖​ ​www.konkmeng.com​