​ជាទូទៅ​ ​ទារក​អាច​រៀន​ងើប​ ​និង​រៀន​ដើរ​ ​នៅ​អំឡុង​ពួកគេ​មាន​អាយុ​ពី៩​ ​ទៅ១២ខែ​ ​ហើយ​ទារក​នឹងអាច​ក្រោក​ ​និង​បោះជំហាន​ដើរ​បាន​ល្អ​ ​នៅ​អំឡុង​ពួកគេ​មាន​អាយុ​ចន្លោះ​ពី១៤​ ​ទៅ១៥ខែ​។​ ​ករណី​ដូចគ្នា​នេះ​ ​ទារក​ខ្លះ​អាច​ត្រូវ​ចំណាយពេល​យូរ​ជាង​នេះ​បន្តិច​ ​គឺ​អាច​ទាល់តែ​ពួកគេ​មាន​អាយុ​ពី១៦​ ​ទៅ១៧ខែ​ ​ទើប​អាច​ដើរ​បាន​ល្អ​ដូច​ក្មេង​ដទៃទៀត​។​

អត្ថបទគួរអាន៖ ហេតុអ្វី​ក្មេង​មិន​ត្រូវ​អង្គុយបត់ភ្លៅកង្កែប​ ​ឬ​ជា​រាង​អក្សរ​ ​«​w​»​?​

​នៅពេល​ទារក​មាន​អាយុ​ជិត១ខួប​ ​ឪពុក​ម្តាយ​មួយចំនួន​នឹង​រក​វិ​ធី​ផ្សេង​ៗ​ ​ដើម្បី​ជួយ​ឱ្យ​ពួកគេ​អាច​ឈរ​ ​ឬ​បោះជំហាន​ទៅមុខ​បាន​ ​ព្រោះ​ទារក​នៅក្នុង​អំឡុង​អាយុ​ប៉ុណ្ណេះ​ ​ក្រៅពី​ចេះ​វារ​ ​ឬ​លូន​ ​ពួកគេ​ចាប់ផ្តើម​រៀន​ក្រោកឈរ​ ​ដើម្បី​ត្រៀមខ្លួន​រៀន​ដើរ​។​​១​.​រទេះ​ទារក​ ​(​Baby​ ​Walker​)​អាច​ជួយ​ឱ្យ​រាងកាយ​ទារក​លូតលាស់​បាន​ល្អ​ឬទេ​?​
​ឪពុក​ម្តាយ​ភាគច្រើន​ ​តែង​ប្រើ​មធ្យោបាយ​មួយ​នេះ​ ​ដើម្បី​ជា​ជំនួយ​ក្នុង​ការ​ជួយ​ឱ្យ​កូន​រៀន​ឈរ​ ​និង​រៀន​ប្រើ​ជើង​បោះជំហាន​ទៅមុខ​។​ ​ប៉ុន្តែ​ ​ការប្រើ​រទេះ​ជំនួយ​បែបនេះ​ ​ត្រូវ​បាន​គ្រូពេទ្យ​ឯកទេស​កុមារ​មួយ​(​The​ ​American​ ​Academy​ ​of​ ​Pediatrics​)​នៅ​សហរដ្ឋអាមេរិក​ ​លើកឡើង​ថា​ ​នឹង​ធ្វើ​ឱ្យ​ប៉ះពាល់​ដល់​ការលូតលាស់​ចំពោះ​ផ្នែក​ផ្សេង​ៗ​នៃ​សរីរាង្គកាយ​របស់​ក្មេង​ទៅវិញ​ទេ​។​ ​ទារក​នឹង​ក្រោកឈរ​ ​ហើយ​ដើរ​បាន​ល្អ​ដោយខ្លួនឯង​ ​នៅពេល​កម្លាំង​ជើង​របស់​គាត់​លូតលាស់​ ​និង​មាន​សភាព​រឹងមាំ​បាន​ល្អ​ ​គឺ​អំឡុង​អាយុ​ពី១៤​ ​ទៅ១៥ខែ​ ​ឬពី១៦​ ​ទៅ១៧ខែ​។​

អត្ថបទគួរអាន៖ ការ​វិវឌ្ឍ​ប្រែប្រួល​រាងកាយ​ ​និង​បញ្ញា​របស់​ទារក​ ​ក្រោយពេល​សម្រាល​រហូតដល់​អាយុ១ខួប​

​២​.​តើមាន​ជម្រើស​អ្វីខ្លះ​ដែល​អាច​ជំនួស​រទេះ​របស់​ទារក​បាន​?​
​មាន​ជម្រើស​ជាច្រើន​ផ្សេងទៀត​ ​ដែល​អាច​ជួយ​ដល់​ការលូតលាស់​ផ្នែក​សរីរា​ង​កាយ​ ​និង​ស្មារតី​របស់​ទារក​ ​ដូចជា​ ​នាំ​គាត់​លេង​នៅ​សួនកុមារ​ ​ដែល​មាន​ទីធ្លា​ធំ​ទូលាយ​ ​មាន​ដើមឈើ​ ​ព្រមទាំង​ឧបករណ៍​សម្ភារៈ​លេង​ ​ដើម្បី​ឱ្យ​ក្មេង​អាច​ធ្វើស​កម្ម​ភាព​ផ្សេង​ៗ​បាន​ដោយខ្លួនឯង​ ​ដោយ​គ្រាន់តែ​មាន​ឪពុក​ម្តាយ​នៅ​ក្បែរ​ចាំ​ជួយ​គាត់​ក្នុង​ស្ថានភាព​ណាមួយ​ ​ដែល​គិតថា​អាច​នឹង​មាន​គ្រោះថ្នាក់​ចំពោះ​គាត់​។​​គួរ​ដឹង​ថា​ ​នៅពេល​យើង​ប្រើ​ឧបករណ៍​ជំនួយ​ ​ដូចជា​រទេះ​ទារក​ ​(​Baby​ ​Walker​)​ជាដើម​ ​ដើម្បី​ឱ្យ​ទារក​រៀន​ដើរមុន​អាយុ​ដែល​គាត់​អាច​ដើរ​បាន​ ​នឹង​ធ្វើ​ឱ្យ​ប៉ះពាល់​ដល់​ការលូតលាស់​នៅ​ផ្នែក​សាច់ដុំ​ជើង​ ​និង​ផ្នែក​ផ្សេង​ៗ​នៃ​រាងកាយ​របស់​គាត់។​ មួយវិញទៀត នៅក្នុងករណីមានការធ្វេសប្រហែលណាមួយរបស់ឪពុកម្តាយ ឬអាណាព្យាបាល ដែលដាក់ទារកនៅក្នុងរទេះ អាចបង្កគ្រោះថ្នាក់ជាយថាហេតុណាមួយដល់រាងកាយ ឬអាយុជីវិតរបស់ក្មេងទៀតផង៕​

អត្ថបទគួរអាន៖ ចង់​ឲ្យ​កូន​ៗ​សម្រេច​ដល់​គោលដៅ​ ​និង​មាន​អនាគត​ល្អ​ប្រសើរ​ ​ឪពុក​ម្តាយ​គួរ​អនុវត្ត​នូវ​វិធីសាស្ត្រ​ទាំង៦នេះ

​ប្រែ​សម្រួល​ដោយ​៖​ ​ស៊ីន​ ​សុភាព​
​រក្សាសិទ្ធិ​ដោយ​៖​ ​www.konkmeng.com​