ហេតុអ្វីក្មេងមិនត្រូវអង្គុយបត់ភ្លៅកង្កែប ឬជារាងអក្សរ «w»?
- ការលូតលាស់
- ខែធ្នូ 1, 2019
ការអង្គុយជារាងអក្សរ«W» ឬខ្មែរយើងហៅថា «បត់ភ្លៅកង្កែប» គឺជាការអង្គុយរាបស្មើ ដាក់ភ្លៅទាំងពីរផ្គុំចូលគ្នា ហើយកំភួនជើងទាំងពីរលាតសន្ធឹងញ៉ែកចេញក្រៅ។ ជាទូទៅ ក្មេងភាគច្រើនចូលចិត្តអង្គុយបែបនេះនៅចន្លោះអាយុ២ខួប ទៅ៦ខួប។
តើអ្នកធ្លាប់បានកត់សម្គាល់ឃើញថា កូនរបស់លោកអ្នកអង្គុយជាទម្រង់អក្សរ «W» ឬបត់ភ្លៅកង្កែប នៅពេលពួកគេកំពុងមើលទូរទស្សន៍ ឬលេងអ្វីមួយដែរឬទេ? មានអាណាព្យាបាល និងឪពុកម្ដាយជាច្រើនមិនសូវបានដឹងពីគុណវិបត្តិនៃការអង្គុយក្នុងទម្រង់បែននេះនោះទេ។
ការអង្គុយក្នុងរូបបែបនេះ អាចបណ្តាលឱ្យមានផលប៉ះពាល់អវិជ្ជមានដល់ទម្រង់នៃការលូតលាស់ឆ្អឹង និងសន្លាក់ជើងរបស់ក្មេង។ ផ្អែកតាមគហទំព័រសារព័ត៌មានឈ្មោះ littlethings.com ផលប៉ះពាល់អវិជ្ជមានដែលបណ្ដាលមកពីការអង្គុយបត់ភ្លៅកង្កែបមានដូចខាងក្រោម៖•ការលូតលាស់ឆ្អឹងពុំបានត្រឹមត្រូវ
•ឈឺខ្នង
•ការគ្រប់គ្រងសាច់ដុំនៅផ្នែកបាតដៃ
•ការឈឺសាច់ដុំ លូតលាស់ឆ្អឹងពុំត្រូវទម្រង់ ធ្វើឱ្យរាលដាលដល់ការឈឺស្មា
•អតុល្យភាពផ្លូវអារម្មណ៍ និងការយល់ដឹង
•តឹងសាច់ដុំ
•ចង្កេះរំកិលខុសទីតាំង
•សន្លាក់
ផ្ទុយពីការអង្គុយបត់ភ្លៅកង្កែប អាណាព្យាបាល និងឪពុកម្តាយ គួរណែនាំឱ្យកុមារអង្គុយបត់ជើងធម្មតា, ពែនភ្នែន ឬសណ្តូកជើងត្រង់ទៅមុខ ជាដើម។ ក្នុងនាមជាអាណាព្យាបាល គួរតែប្រុងប្រយ័ត្នទៅលើទម្លាប់អង្គុយរបស់កូនៗ។ លោកអ្នកគួរតែកែជាបន្ទាន់ ប្រសិនបើកូនៗលោកអ្នក អង្គុយក្នុងទម្រង់រាងអក្សរ «W» នេះ៕រក្សាសិទ្ធិដោយ៖ www.konkmeng.com