​រាជធានី​ភ្នំពេញ​៖​ ​យោង​តាម​សេចក្តី​ប្រកាស​ព័ត៌មាន​របស់​មូលនិធិ​គន្ធបុប្ផា​កម្ពុជា​ ​បានឱ្យ​ដឹង​ថា​ ​នៅក្នុង​រយៈពេល១១ខែ​ ​ឆ្នាំ២០១៩នេះ​ ​មន្ទីរពេទ្យ​គន្ធបុប្ផា​ ​ទាំង​ទីតាំងនៅ​រាជធានី​ភ្នំពេញ​ ​និង​ខេត្តសៀមរាប​ ​បាន​ទទួល​ពិនិត្យ​ ​និង​ព្យាបាល​ជំងឺ​ដល់​កុមារ​កម្ពុជា​ ​សរុប​ប្រមាណ​ជាង១លាន​នាក់​។​

ប្រភព​ពី​ទំព័រ​ហ្វេ​សបុ​ក​ផេ​ក​ឈ្មោះ​ ​Dr.Beat.Richner​ ​និង​មូលនិធិ​គន្ធបុប្ផា​កម្ពុជា​ ​បា​នប​ង្ហាញ​ឱ្យ​ដឹង​ថា​ ​នៅក្នុង​រយៈពេល១១ខែ​ ​ក្នុង​ឆ្នាំ២០១៩នេះ​ ​មាន​កុមារ​ចំនួន៩០៤,៣៦៦ករណី​ ​ត្រូវ​បាន​ពិនិត្យ​ ​និង​ព្យាបាល​ ​នៅក្នុង​ផ្នែក​ពិគ្រោះ​ខាងក្រៅ​,​ ​កុមារ​ចំនួន១៩១,២៤៩នាក់​ ​ត្រូវ​បាន​ដាក់​ឱ្យ​សម្រាក​នៅក្នុង​មន្ទីរពេទ្យ​។​

​នៅក្នុង​ចំនួន​ខាងលើ​នោះ​ ​មាន​កុមារ៣៣,៩៤៤នាក់​ ​មាន​ជំងឺគ្រុនឈាម​ធ្ងន់ធ្ងរ​,​ ​កុមារ២៤,៦១៧នាក់​ ​ត្រូវ​បាន​វះកាត់​ទូទៅ​ ​និង​កុមារ​ចំនួន៨៩១នាក់​ ​ត្រូវ​បាន​វះកាត់​បេះដូង​ ​និង​ភ្ជិត​ប្រហោង​បេះដូង​ ​តាម​សរសៃឈាម​ ​(​ទាំង​នៅ​មន្ទីរពេទ្យ​គន្ធបុប្ផា​សៀមរាប​ ​និង​រាជធានី​ភ្នំពេញ​)​។​ម្យ៉ាងទៀត​ ​នៅក្នុង​រយៈពេល​ដូចគ្នា​នេះ​ដែរ​ ​ក៏​មាន​ស្ត្រី​មានផ្ទៃពោះ​ចំនួន​ ​១៤៨​ ​២៤៨​ ​ករណី​ ​បាន​មក​ពិនិត្យ​តាមដាន​ផ្ទៃពោះ​ ​និង​ព្យាបាល​នៅក្នុង​ផ្នែក​ពិគ្រោះ​ជំងឺ​ក្រៅ​នៃ​មន្ទីរសម្ភព​ ​ព្រមទាំង​បាន​សម្រាលកូន​បាន​ចំនួន​ ​២៣​ ​៣៥០នាក់​ ​ផង​ដែរ​។​

​នៅក្នុង​នោះ​ផង​ដែរ​ ​មូលនិធិ​គន្ធបុប្ផា​កម្ពុជា​ ​ក៏បាន​ប្រកាស​ឱ្យ​ដឹង​ដែរ​ថា​ ​ត្រឹមតែ​រយៈពេល១១​ ​ខែ​ ​ក្នុង​ឆ្នាំ២០១៩នេះ​ ​មូលនិធិ​គន្ធបុប្ផា​កម្ពុជា​ ​បាន​ប្រគល់​ថវិកា​ដែល​បាន​មក​ពី​ការ​បរិច្ចាគ​របស់​សប្បុ​រ​ជ​នានា​ ​មាន​ចំនួន១០,៨៩២,៤០៤​ ​ដុល្លារ​អាមេរិក​ ​ជូន​មន្ទីរពេទ្យ​គន្ធបុប្ផា​ ​ដើម្បី​ចូលរួម​ធានា​ឱ្យ​បាន​នូវ​និរន្តរភាព​ ​នៃ​កិច្ច​ដំណើរការ​របស់​មន្ទីរពេទ្យ​គន្ធបុប្ផា​ទាំង​ប្រាំ​ទីតាំង​។​

​មូលនិធិ​គន្ធបុប្ផា​កម្ពុជា​ ​ក៏​សូម​ថ្លែងអំណរគុណ​យ៉ាង​ជ្រាលជ្រៅ​ ​ចំពោះ​ទឹកចិត្ត​ដ៏​សប្បុរស​របស់​ ​ទ្រង់​ ​សម្ដេច​ ​ឯកឧត្តម​ ​លោកជំទាវ​ ​អ្នកឧកញ៉ា​ ​លោក​ឧកញ៉ា​ ​លោក​ ​លោកស្រី​ ​អ្នកនាង​កញ្ញា​ ​និង​ប្រជាជន​ទាំងអស់​ ​ដែល​បាន​ចូលរួម​ជាមួយ​មូលនិធិ​គន្ធបុប្ផា​កម្ពុជា​ ​ដើម្បី​បន្ត​រក្សា​ ​និង​ផ្តល់​ភាព​ញញឹម​របស់​កុមារ​កម្ពុជា​ ​ដែល​ជា​អនាគត​របស់​កម្ពុជា​៕​​សប្បុរសជន​ ​អាច​ចូលរួម​ចំណែក​នូវ​ការ​បរិច្ចាគ​ ​ចូល​ជាស​មា​ជិ​ក​របស់​មូលនិធិ​គន្ធបុប្ផា​កម្ពុជា​ ​ដោយ​ឥត​បង់ថ្លៃ​សេវា​តាមរយៈ​៖​
​*​ ​ធនាគារ​កា​ណា​ឌី​យ៉ា​
​*​ ​ធនាគារ​អេ​ស៊ី​លីដា​
​*​ ​ធនាគារ​ ​ABA​
​*​ ​ធនាគារ​ឯកទេស​ ​និង​ភ្នាក់ងារ​វេ​ប្រាក់​ ​Wing​
​*​ ​ភ្នាក់ងារ​វេ​ប្រាក់​ ​TrueMoney​
​*​ ​ភ្នាក់ងារ​វេ​ប្រាក់​ ​DaraPay​ ​ឬ​ទំនាក់ទំនង​មក​លេខាធិ​កា​ដ្ឋាន​ដែល​មាន​ទីតាំង​ក្នុង​ក្រសួងសេដ្ឋកិច្ច​ ​និង​ហិរញ្ញវត្ថុ​,​ ​ទូរស័ព្ទ​លេខ​ ​061​ ​701​ ​111​ ​/​ ​096​ ​701​ ​1111​ ​និង​គេហទំព័រ​ ​www.ckf.org.kh​