konkmeng.com

កុមារមានអាយុ៣ឆ្នាំ ពួកគេកំពុងស្ថិតនៅក្នុងតំណាក់កាលនៃការលូតលាស់ និងមានភាពសកម្មខ្លាំង។ ពួកគេមានតម្រូវការអាហារូបត្ថម្ភ និងថាមពលឱ្យបានគ្រប់គ្រាន់ ដើម្បីបំពេញតម្រូវការនៃការលូតលាស់ទៅលើផ្នែកសុខភាពរាងកាយ និងខួរក្បាល។

តើលោកអ្នកប្រាកដទេថា កូនអាយុ៣ឆ្នាំរបស់លោកអ្នក ពួកគេទទួលបានរបបអាហារ ដែលមានវីតាមីន និងសារធាតុរ៉ែគ្រប់គ្រាន់? តើប្រភេទអាហារណាខ្លះ ដែលសម្បូរសារធាតុចិញ្ចឹម និងជាតម្រូវការដែលកូនៗលោកអ្នកគួរទទួលបាន? ខាងក្រោមនេះ គឺជាប្រភេទអាហារមួយចំនួន ដែលក្មេងនៅក្នុងអំឡុងអាយុ៣ឆ្នាំ គួរទទួលបាន៖

អត្ថបទគួរអាន៖ ម៉ាប៉ាគ្រប់រូបត្រូវដឹងថា បណ្តោយកូនឱ្យញ៉ាំជាតិស្ករច្រើនពេក អាចប្រឈមនឹងគ្រោះថ្នាក់

១.ក្រុមអាហារគួរផ្តល់ឱ្យកូន(Foods Option)
របបអាហារសម្រាប់កុមារអាយុ៣ឆ្នាំ អាចនឹងខុសៗគ្នាទៅតាមស្ថានភាពរបស់កុមារមួយរូបៗ ព្រោះអាស្រ័យលើការលូតលាស់ និងរបបអាហារដែលបានផ្តល់ឱ្យ។ ទោះយ៉ាងណា ត្រូវប្រាកដថា កូនរបស់លោកអ្នក ទទួលបានរបបអាហារគ្រប់គ្រាន់ពីក្រុមអាហារ៤មុខនេះ៖

• ការផ្ដល់សាច់ទៅក្នុងរបបអាហារ
• ការផ្ដល់ទឹកដោះគោទៅក្នុងរបបអាហារ
• ការផ្ដល់គ្រាប់ធញ្ញជាតិទៅក្នុងរបបអាហារ
• ការផ្ដល់បន្លែ និងផ្លែឈើ ទៅក្នុងរបបអាហារប៉ាម៉ាក់ គួរព្យាយាមផ្ដល់នូវរបបអាហារទាំង៤ក្រុមនេះទៅក្នុងរបបអាហាររបស់កុមារ រួមទាំងបន្ថែមអាហារមានជាតិខ្លាញ់ ដែលមានល្អចំពោះសុខភាព ដូចជា ផ្លែប័រ(avocadoes) ត្រីសាល់ម៉ុន(salmon) ឈីស(cheese) តែមិនត្រូវផ្តល់នូវអាហារដែលមានជាតិសូដ្យូម (sodium) និងជាតិស្ករខ្ពស់នោះទេ។

គួរធ្វើបែបណាដើម្បីឱ្យកូនញាំអាហារបានត្រឹមត្រូវ?
• ជៀសវាងផ្តល់អាហារពេញចាន ជំនួសវិញដោយអាហារសមល្មម
• ជ្រើសរើសអាហារដែលមានជីវជាតិ ដូចជាសាច់ និងបន្លែ
• ជៀសវាងការផ្តល់អាហារសម្រន់ញឹកញាប់ ជំនួសវិញដោយការកំណត់ពេលវេលាឱ្យកូនញ៉ាំច្បាស់លាស់
• ក្នុងរបបអាហារប្រចាំថ្ងៃ គួរមានព័ណ៌ចម្រុះ ដែលអាចទាក់ទាញកូនឱ្យចង់ញ៉ាំ
• ផ្លាស់ប្តូរអាហារដែលមិនល្អ បើកូនចូលចិត្តញ៉ាំភីហ្សា គួរជំនួសវិញដោយប្រភេទអាហារដែលល្អចំពោះសុខភាពក្មេង ដោយច្នៃអាហារឱ្យមានព័ណ៌ចម្រុះ មានបន្លែ និងលាយជាមួយប្រេង អូលីវ២.ការជ្រើសរើសភេសជ្ជៈសម្រាប់កុមារ (Drink Choices)
ទឹក គឺជាតម្រូវការដែលមនុស្សយើងមិនអាចខ្វះបាន សម្រាប់កុមារក៏ដូចគ្នា។ នៅពេលផ្តាច់ការបំប៉ៅកូនដោយទឹកដោះម្តាយ ក្រៅពីទឹកធម្មតា លោកអ្នកគួរតែផ្តល់ឱ្យពួកគេនូវទឹកដោះគោ២កែវនៅក្នុងមួយថ្ងៃ តែមិនអាចលើសពីរនេះទៀតនោះទេ។

អត្ថបទគួរអាន៖ កូនអ្នកមានអាយុ៦ខែហើយ គួរតែចាប់ផ្ដើមញ៉ាំបន្លែអ្វី?

មួយវិញទៀត លោកអ្នកគួរមានការកម្រិតនៅក្នុងការញ៉ាំភេសជ្ជៈដែលមានជាតិស្ករ ដូចជា ទឹកសូដា ទឹកផ្លែឈើកំប៉ុង និងភេសជ្ជៈកំប៉ុងផ្សេងទៀត ដែលអាចផ្តល់ផលអវិជ្ជមានដល់សុខភាពធ្មេញរបស់កុមារ។ ទោះយ៉ាងណា លោកអ្នកគួរតែមានការពិគ្រោះយោបល់បន្ថែមទៀត ជាមួយគ្រូពេទ្យជំនាញ ដើម្បីប្រាកដថា ភេសជ្ជៈដែលផ្តល់ឱ្យកូនញ៉ាំ គឺជារបបអាហារដែលត្រឹមត្រូវ។

៣.ប្រភេទអាហារសម្រន់(Snack Ideas)ការផ្សព្វផ្សាយពាណិជ្ជកម្ម អំពីអាហារសម្រន់ផ្សេងៗនៅលើកញ្ចក់ទូរទស្សន៍ និងប្រព័ន្ធផ្សព្វផ្សាយផ្សេងៗទៀត អាចនឹងទាក់ទាញចំណាប់អារម្មណ៍កុមារ ឱ្យចង់ញ៉ាំ។ ការធ្វើអាហារសម្រន់ដោយខ្លួនឯងនៅផ្ទះ ជារឿងងាយស្រួល និងអាចជ្រើសរើសយកប្រភេទអាហារ ដែលមានល្អចំពោះសុខភាពសម្រាប់ពួកគេញ៉ាំ ហើយចំណាយអស់តិចជាងអាហារសម្រន់ដែលទិញស្រាប់ទៀតផង។

អត្ថបទគួរអាន៖ ទឹកដោះគោសណ្តែកសៀង មានផ្ទុកនូវសារធាតុចិញ្ចឹមយ៉ាងសម្បូរបែប ល្អសម្រាប់សុខភាពកុមារ

ទាំងនេះជាអាហារសម្រន់ដែលល្អចំពោះសុខភាពកុមារអាយុ៣ឆ្នាំ៖

•ចិតផ្លែឈើស្រស់ជាចំណិតៗ ហើយញ៉ាំជាមួយទឹកដោះគោយ៉ាអ៊ួ (fresh fruit with yogurt)
•នំធ្វើពីផ្លែចេក លាយជាមួយប័រសណ្តែក (banana bread with some light nut butter)
•ឈីសលាយជាមួយនំខែកឃឺ (cheese with whole grain crackers)
•ទឹកដោះគោ យ៉ាអ៊ួ លាយជាមួយផ្លែឈើ (Milk/yogurt and fruit smoothies)
•នំប័ងសាំងវិច (Multigrain bread sandwiches with lots of veggies)
•ផាស្តាបន្លែជាមួយសាច់គ្មានខ្លាញ់ (pasta with healthy vegetables and lean meat)